Private vatn og vatn med privat fiskerett i Langmorkje statsallmenning, samt ei strekning i Sjoa med privat fiskerett, er avmerka med rosa farge på jakt- og fiskekartet. Desse er ikkje med i fiskekortordninga. Nedre Heimdalsvatn, som grensar inntil Langmorkje statsallmenning er heller ikkje med i fiskekortordninga.

KORTSAL OG PRISAR 

Det kan løysast både 1-døgn-, 3-døgn-, vekes- og sesongkort. For dei fleste korttypene kan det og løysast familiekort. Vågå fjellstyre har mange kortselgjarar, både nede i bygda og i fjellet. Nede i bygda i Vågå får ein  kjøpt kort i Jutulbu kiosk, Turistkontoret og G-Sport i Vågåmo, og Coop Marked Lalm på Lalm. Hydro Texaco i Bjølstadmo (Heidal) sel og fiskekort for Vågå fjellstyre. I Randsverk/ Lemonsjøområdet, Sjodalen, og Gjendeområdet har vi desse bedriftene som sel kort for oss: Grov camping, Storrvikseter camping, Skarå camping, Lemonsjø fjellstue, Randsverk kiosk og camping, Sjodalen hyttetun, Hindsæter fjellhotell, Heimsand camping, Besstrond, Bessheim, Besseggen fjellpark (Maurvangen), Gjendesheim, Memurubu,og Gjendebu. Dei ulike bedriftene har noko varierande lengde på sesongen, men fleire av dei har heilårsdrift.

I tillegg kan kort kjøpast over Internett, på Inatur.

Prisar (sist regulert i 2004)